Partidu bat jokatuko da ostiralean 19:00etan hasita Alegiako Elorri pilotalekuan. Eskuz binaka izango da, eta jubenilen bigarren mailako Uxer Mozos eta Xabi Luzuriaga (Intxurre), Hondarribiko taldearen aurka arituko dira.
Gomazko paletan neskek badituzte partidak, baina kanpoan jokatu behar dute.
Jubenileko beste taldeek edo bukatu dute edo atsedena dute aste honetan. Eta infantil eta alebinak ere, banaka jokatzen ari direnak, fase batetik besterako saltoa egiteko jai dute aste honetan.
Gabonetako XIV. Pilota-topaketa
Izen emateko epea ireki da Gabonetako topaketetarako.
Abaltzisketa, Alegia, Altzo, Amezketa, Baliarrain, Bedaio, Ikaztegieta, Orendain edo Ugarteko 6 eta 15 urte bitarteko neska mutilek, azaroaren 27 arteko tartea dute apuntatzeko, eta bakoitzak bere ikastetxean egingo du izena ematea.
Jubenil mailako finalak Alegian
Oraindik eguna eta ordua zehaztu ez badira ere, Pilota Federazioak Alegia aukeratu du Gipuzkoako jubenil mailako finalak jokatzeko. Beraz datorren asteburuan (azaroaren 27-29) izango dira Elorri pilotalekuan eskuz banakako eta binakako finalak.
Eskuz banakakoan Intxurreko Aratz Irazustabarrena izango da pelotari bat.