Asteburu beltza jubenilentzat
Emaitza kaxkarrak izan zituzten binaka ari diren jubenil mutilak pasa den ostiralean. Galdu egin zuten eta dauden bi multzoetako hirugarren postua eskuratu dute. Finalerdietatik kanpo beraz.
Iker Arandia ea Ander Jauregik etxean, Alegian, jokatu zuten Usurbildarren aurka eta ezin izan zuten partida aurrera atera. Ezta Azpeitian jokatu zuten Yerai Arruti eta Enaitz Aizpitartek ondo hai bazuten ere, azkenean amore eman beharrean aurkitu ziren. Hamabian geratu ziren azpeitiarren aurka.
Jubeniletan lehenengo mailako Gipuzkoako txapelketaz ari gara eta kontrario oso zailak zituzten biak. Txapelketa oso txukuna egin eta azken unerarte ondo lehiatu dira Intxurrekoak.
Maila honetan mano mano Aratz Irazustabarrenak irabazi egin zuen, eta finala jokatuko du.
Asteburuko partidak
Ostiralez Altzon jokatuko dira bigarren urteko alebin mutilen bi partidu eta lehen urteko infantilen partida bat. Zazpiak et alaurdenetan hasiko dira.
Eta egun berean, Alegiako Elorri frontoian paletaz jubenil neskak lehiatuko dira. Hiru partida daude iragarrita Intxurre3 (Naroa Olano—Sara Agirre), Intxurre 2 ( Ainhoa Ontsalo—Nerea Esnaola) eta Intxurre 1 (Maite Tolosa—Irantzu Zubeldia)