Arratsaldeko lauretan hasiko dira bi herrietan partidak eta Altzo Muinoko frontoian gaztetxoenak jokatuko dute. Buruz buruko txapelketa hasi dute infantilak eta bigarren urteko alebinak, eta bata bestearen segidan sei partida izango dituzte.
Alegiako Elorri pilotalekuan berriz eskuz binaka jubenil mutialak ekingo diote Oñatiko Aloña Mendikoen aurka eta, mutiletan hau ere, nagusiak Hernanikoen aurka. Jaialdia bukatzeko nesken partida izango da talde bereko bi bikoteen artean: Intxurreko Ainhoa Ontsalo-Nerea Esnaolak beste Intxurreko talde bati, Naroa Olano-Sara Agirreri egingo diote aurre.