Azken orduan bada ere, Intxurre Elkartea eta Asegarcek, Alegiako jaien barruan profesional mailako partida antolatzea erabaki dute. Uztailaren 18an jokatuko da berau, arratsaldeko 6etan hasiko den jaialdian. Kadete mailako finalak emango dio hasiera eta bertan Alberdi eta Ander Zubeldiak (Azpeitia - Altzo), Arandia eta Oier Zubeldiaren (Alegia-Amezketa) aurka jokatuko dute; Intxurreko pilotariak dira Ander Zubeldia eta Arandia. Bigarren partidan, afizionatuetako goi mailako partida jokatuko da: Arteaga-Erasun vs Eneko Labaka-Telletxea; albizturtarrak dira azken hauek.
Artola-Iza eta Idoate-Beginoren arteko partidak emango dio amaiera jaialdiari. Aukera ederra etxeko mutila herrian bertan jokatzen ikusteko.