Ostiral honetarako, maiatzak 12, “Egun osasuntsua” lelopean hainbat ekintza antolatu ditugu Tolosako Inmakulada Lanbide Ikastolan.
Gure bizi-ohiturek gure osasunean duten garrantziaz jabetzea da helburua. Horretarako, bi bizi-ohituretan jarriko dugu bereziki arreta: elikaduran eta ariketa fisikoan. Izan ere, batetik, azken urteetan elikadurarekin zerikusia duten osasun-arazoak ugaritzen ari dira gizartean eta, bestetik, ariketa fisikoaren onurak ahaztu egiten zaizkigu askotan.
Hori horrela, goizeko 8:00etan Josu Martinez mediku dietalariaren hitzaldia izango dugu. Bertan, eguna ondo hasteko gosarian hartu beharreko jaki egokiak zein diren azalduko digu eta, ondoren, inori zalantzarik gera ez dakion, denok elkarrekin gosalduko dugu.
Gosariaren digestioa egin ondoren, gorputza mugitzeko aukera izango da 11:30etan lehenik, Mila García-Iturrospe Zumba irakaslearen eskutik eramango gaituen Zumba Maratoiean eta ondoren, 12:30ean jokatuko dugun futbito txapelketan.
ATE IREKIAK, LARUNBATEAN
Bestetik, ate irekietako jardunaldia antolatu dugula jakinarazteko ere idazten dugu. Gure ikastetxera gerturatu nahi duenak, aukera izango du larunbatean, maiatzak 6, goizeko 11:00etatik aurrera.