Erretxinak

Erlauntza guztiak erretxindurik izaten dira gure erlategian, laukiak itsatsita, ezin askatu, marroiak eta likatsuak.

Propolia da erretxin hori, gure gorputzari horrenbeste lagundu diezaioken produktua.

Propolia landareen hostoetatik ateratako erretxina da, erleak beren erlauntza isolatzeko erabiltzen dute, erreginak errundako arrautzak abarasketan desinfektaturik egoteko, erlauntzak jasan ditzakeen bibrazioak gutxitzeko edo txirrisketatik hotz edo haizerik ez sartzeko.

Gure kasuan bestelako erabilpen bat du, eta normalean osasunarekin lotzen dugu. Parranda osteko toxinak isurtzen laguntzen du, eztarriko minarentzat ere lagungarria da eta baita ezpain urratu edo pupentzako.

Onura asko dituen produktua da baina zu sendatze ez bazaitu ez da erleen edo erlezainaren errua.

Erlezainok beti diogu lagungarria dela, lagundu dezakeela baina milagrorik ez eskatu.

Kontsumitzeko modu aproposena estraktu moduan dela diote, tantak urarekin baraurik edanez.

Badakigu ez dela eztia bezain gustagarria baina eztia bezain lagungarria denez barrura, hobe eztarria erretxindurik bukatzea eztarriko minez baino!