Zaparradak ahulak izango dira, baina tarteka biziago botako du, bereziki goiz erditik aurrera. Arratsaldean, pixkanaka, euriak gutxitzera egingo du, eta gau aldera nahiko ateri geratuko da. Haizeak iparraldetik joko du, baina indar handirik gabe. Tenperaturan ez da aldaketarik izango, eta 19-21 gradu izango ditugu.
Bihar behe-lainoa eta hodei baxu hondar batzuk agertuko dira zeruan goizeko lehen orduetan. Hala ere, goizean zehar desagertu egingo dira, eta giro eguzkitsua nagusituko da, tarteka goi-hodei fin batzuekin. Arratsaldean, zerua ia erabat oskarbi egongo da, eta eguraldi eguzkitsua nagusituko da. Goizean, haizea aldakor eta ahul ibiliko da, tarteka hego ukituarekin. Arratsaldean, ipar-ekialdetik finkatuko da. Tenperaturak gora egingo du, eta 24-25 gradu izango ditugu.