2020ko eka. 9a, 05:59
Zaparrada giroa nagusituko da egun osoan, non goiz partean tarteka mardul eta nahiko sarri botako duen. Arratsaldean zaparradak tartekatuagoak eta ahulxeagoak izango dira, baina ez du atertzerik lortuko. Haizeak ipar-mendebaldetik joko du, orokorrean ahul eta tenperatura maximoak ez dira 17-18ºC-tatik pasako.
Asteazkena (ekainak 10)
Giro motela. Goizean oraindik ere giro iluna izango dugu eta tarteka euri zaparradaxka batzuk izango dira. Orokorrean zaparrada ahulak izango dira. Eguerditik aurrera geroz eta euri gutxiago egingo du, iluntze alderako atertuz eta ostartetxoren bat edo beste irekiz. Haizeak iparretik ahul joko du eta termometroek koska pare bat gora egingo dute, maximoak 19-20ºC-tan errendituz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!