2020ko eka. 3a, 05:59
Goizean goizetik zeruan hodeiak nagusituko dira eta hodei hauek euria ere utziko digute. Goizean zaparrada tartekatuak izango dira. Arratsaldean aldiz, zaparradak ugariagoak eta mardulagoak izango dira, ekaitzak jotzea baztertu gabe.
Haizeak ipar-mendebaldetik joko du, bizi eta tenperaturak jaitsi egingo dira, maximoak 22-23ºC-tan errendituz.
Osteguna (ekainak 4)
Giro euritsu eta freskoa. Fronte batek eta ipar-mendebaldeko haizeak euri giroa ekarriko digute. Euri zaparradak egun osoz emango dira, baina indartsuenak eguneko erdiko orduetan izango dira. Haizeak ipar-mendebaldetik bizi joko du eta tenperatura maximoek nabarmen behera egingo dute, eguneko erdiko orduetan gehienez 18-19ºC-tara iritsiko direlarik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!