2019ko urr. 29a, 05:58
Goiz partean giro nahiko lasaia izango dugu, nahiko argia, nahiz eta erdi eta goi mailako hodei batzuk ikusi. Arratsalde partean haizeak ipar ukitu bat hartzean hodei hauek ugaritu egingo zaizkigu.
Iluntzean lau tanta botatzeko arriskua egongo da. Tenperaturek behera egingo dute atzokoarekin alderatuz, 21-23 gradutan kokatuz.
Biharkoan oraindik ere giro nahiko motelarekin jarraituko dugu. Hodeiak nagusituko dira eta zerua zikin xamarra agertuko zaigu. Hala ere iluntzera arte ez da euririk egiterik espero. Egunaren amaieran, frontexka bat gerturatzearekin batera hodei hauek trinkotu eta euri pixka bat botako du. Tenperaturek antzeko balioetan mugituko dira, 20-22 gradutan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!