Goiz partean eta eguerdira bitarte oraindik ere hodei dezente ikusiko dugu, eta egunsentian euri pixka bat ere izango dugu, oso gutxi, lau tanta eta euri langar moduan gainera.
Goiz erdirako erabat ateri geratuko da eta eguerditik aurrera ipar ekialdeko haizearen laguntzari esker ostarteak irekitzen hasiko zaizkigu. Arratsalde partean giro eguzkitsuagoa geratuko zaigu. Tenperatura maximoek zertxobait gora egingo dute, 18-20 gradura iritsiz.
Biharkoan berriz eguraldi beroa bueltan izango dugu. Hego haizea sartuko zaigu eta tenperaturak nabarmen igoko dira, 25-27 gradutara iritsiz. Zeruari dagokionez ere aitzakia gutxi, giro urdina ikusiko dugu. Arratsaldetik aurrera goi hodeiak azalduko dira baina eguzkiari traba egin gabe.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
