Giro triste eta freskoa

Erabiltzailearen aurpegia

Ipar haizea nagusituko zaigu gaurkoan eta fronte ahul batek lainotza handia eta euri pixka bat ere utziko digu.

Orokorrean euri gutxi botako du; zaparradak ahulak izango dira baina egun guztian zehar botako duenez, giro motela izango da eta ipar haizea ibiliko zaigunez tenperaturak ere freskotik mantenduko zaizkigu udazken balioko parametroetan. Gehienez jota, egunaren erdiko orduetan 16-18 gradu harrapatuko dituzte.

Bihar, altxatzeko joera hartuko du. Goizaldean hodeitza dezentekoa izango dugu; goizean goiz eta egunsentian euri langar pixka bat botako du, baina goiz erdirako erabat atertuko du eta eguerditik aurrera ostarteak irekitzen joango dira. Arratsalde partean, behintzat, giro argiagoa izango dugu. Ipar haizea ibiliko da baina tenperaturak zertxobait goraxeago kokatuko zaizkigu, eguzki ordu gehixeago izango ditugunez. Termometroa, goitik, 17-19 graduetan errendituko da. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!