Gaurkoan aldaketa eguna izango dugu

Erabiltzailearen aurpegia

Goiz partean giro argia izango dugu. Oraindik ere ostarte zabalak izango ditugu eta nahiz eta goiz partean behe lainoa agertuko den, eguzkiaz gozatzeko aukera izango da. 

Arratsalde partean ipar mendebaldeko haizea nagusitzen hasiko zaigu eta horrekin hodeiak ugaritzen joango dira, eta arratsalde erdirako zerua estalirik geratuko da eta eguna amaitzerako euri pixka bat ere egingo du. Ipar mendebaldeko haize horren eraginez tenperaturek zertxobait behera egingo dute eta eguneko erdiko orduetan 20-22 gradutatik ez dira pasako.

Biharkoari dagokionez berriz eguraldi motela izango dugu. Ipar haizea nagusituko da eta horrekin hodei ugari izango ditugu. Euria egingo du gainera. Euri gehiena goiz partean espero da eta arratsaldearen erdira arte, orokorrean zaparrada ahulak izango dira. Ez du euri askorik botako baina nahikoa izango da giro tristea uzteko. Nahiz eta egunaren amaieran atertzeko joera hartuko duen orokorrean bihar giro motela eta tristea izango dugu. Nabarmena izango da tenperaturaren beherakada, udazken sasoiko balioak hartuko ditu tenperaturak eta eguneko erdiko orduetan nekez gaindituko dituzte 16-18 graduak. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!