2020ko mai. 19a, 06:00
Esan ez dugunarekin egin daiteke hiztegi bat
Babel desagertu zenekoa
Bilbotik ekarri ez dugun makailoarekin
bazkari bat ausenteena.
Eta agurtu ez ditugun hilekin
ibili ez ditugun zaldiekin
edo gure maskarekin eurekin
egin genezake basamortu bat
denborarentzat.
Baina ez etsi
ezagutuko baitugu Kahlo:
bere hezurrak itzuli egin ziren.
Ez etsi, ezagutuko baitugu esnea:
goizean isuri zen
zure iztermamietan
euri begiak lez
kristaletan.
Berriro festa, apoen deia
udaren antza dauka udak:
landu gabeko
soroetan, basa-laboreak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!