Koronabirusa

Zeru lurrak zure dirdaiez beteak daude

Erabiltzailearen aurpegia Igor Estankona 2020ko api. 20a, 11:39

Bill Withers (Columbia Records, domeinu publikoa).

Guk, Leteoa gurutzatu genuenok

aho fresko honekin ezin inori muxurik eman

binilozko eskularruokin ezin udaberria ukitu

COVID-19a dela eta gaizki bukatuko du askok.

Hara non, Rafa Berrio joan da: apokalipsiaren lerro bat hartzen zuen ausaz.

 

Luis Eduardo Aute joan da: slow bat nahi zuen dantzatu zurekin tonight.

 

Bill Withers joan da

eta Wallace Roney: Miles Davisekin dago orain

beretzat hobe.

 

Bucky Pizzarelli joan da, Bucky Pizzarelly txintxoa ere bai,

eta Ellis Marsalis, eta Manu Divango: ene ama, Jazza hiltzen ari ote da?

 

Eta Helin Bölek joan da, Helin Bölek txikia

288 egun gose greban: Erdogan, entzun,

«28 urteko gazte bat hil duzue!»

 

Non daude gure jaka beltzak orain, euforia-gauetakoak?

Boladan jarri da berriro Alber Camusen Izurria (Gallimard, 1947) gure artean,

Leteoa gurutzatu dugunon artean.

 

Joango al da lurra bere bideaz berriro?

Iritzia Tolosa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!