Ba ez, gaia ez da hain positiboa zoritxarrez. Hilaren 1ean «Mozal Legea» onartu da eta horrek errebindikazio fenomenoa hankaz gora jarri du. Ez dago kritiketatik salbu: konstituzio kontrako helegitea tarteratua dago jada, Nazio Batuen Erakundeak Espainiari jakinarazi dio oinarrizko eskubideak urratzen dituela eta bertan behera utz dezala, manifestazio ugari egin dira bere kontra…
Baina, zer dakar zehazki lege honek? Zertan eragingo digu? Gehienbat adierazpen askatasuna da mehatxatzen dena. Manifestazio aukerak asko murrizten dira —protestak debekatzeko aukerak handiak dira—; poliziaren gain indar gehiago geratzen da, epailearen aurrera joan beharrik izan gabe poliziak isuna ezarri ahal izango du eta isun oso altuez ari gara; instituzio publikoen aurrean protesta egiteko aukerarik ez da egongo, ezta paretetan protesta kartelak jartzeko ere —Greenpeace-i zuzenki lotutako oztopoa—; etorkinen kasuan Ceuta eta Melillan orain arte legez kontrakoak ziren berehalako kanporatzeak legeztatzen ditu eta horrelako beste hainbat ekarpen egiten ditu.
Beraz, helburua oso garbia da, gu isilik mantentzea. Lege hau PPren botoekin bakarrik onartua izan da. Espero dezagun Europako presioak, Auzitegi Konstituzionalak eta datorren hauteskundeetako emaitzek lege honen indargabetzea ekartzea. Bitarte horretan, ea beronen aplikazioak haiek nahi baino emaitza txarragoak ematen dituen.
Isilik askoz politago gaude
2015ko uzt. 12a, 11:00
Ekainaren 21an Donostian oso gustura elkartu ginen gurea den erabakitzeko eskubidearen alde erreibindikatzeko. Behin eta berriz esaten ari gara politikan gizarte aktiboago bat behar dugula, hainbat bidegabekeriei aurre egiteko kalera atera behar dugula, geu garela etorkizunean nahi dugun gizartearen sortzaileak. Eta egia da, jendea hau guztiaz ohartzen ari da eta gero eta kontzienteago gara herritarren ahotsa entzun behar dela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!