Apustu etxeak eztabaidagai

Erabiltzailearen aurpegia
Tolosako etorkizunean ezinbesteko eztabaida izango dugu hau, eta akordio zabalen bitartez bakarrik hartuko diogu aurre.

Apustu etxeak hedatzen doaz Euskal Herrian zehar, Tolosa ez da salbuespen, noski. Honen ondoriorik latzena ludopatia kasuen gorakada izugarria da, tamalez. Zer egin dezakegu Tolosa bezalako herri txiki batetik? Lehendabizi, kontzientzia hartu, aurrean daukagun arazoaz jabetu eta harira jo, konponbidera. Apustu etxeak, eta ludopatiak zehazki, gogor jotzen du gaztedian, bereziki ahulezi egoeran bizi direnak.

Gai honen inguruan akordio zabalak alderdiek hartu behar dituzte, dudarik gabe, baina hauteskunde orokorren ateetara, udalerrikoak hurbil izanda gainera, elektoralismoa oztopo hangiegia izan daiteke. Tolosan Ahal Dugutik, hori ekiditeko, negoziazio tartea ireki dugu beste indar politikoekin, hartuko diren neurriak, kontsentsuz, medailarik jartzeko balioko ez dutenean, errazagoa ikusten baitugu onartuak izatea, eta konponbidera jotzea.

Zenbait proposamen ikusten ditut mahai gainean jar daitezkeenak:

  • Apustu etxeak mugatu. Euren arteko distantzia minimoa.
  • Udaltzaingoarentzako formakuntza espezifikoa.
  • Hezkuntza eta kultur zentroetatik urrundu. Gure haur, nerabe eta gazteak babestea izan behar du, besteak beste, lehentasunetako bat.

Etorkizuneko Tolosa gaurkoan eraikitzen hasten da, gehiegi itxoin behar duen horrek eraikia ikusiko du, eta agian, ez du gustuko izango.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!