ataria.eus

Hodeiertz abesbatza, Valladoliden

Erabiltzailearen aurpegia kultura

Hodeiertz abesbatzak kontzertua eskaini zuen, larunbatean, Valladoliden, Alterum Cor taldearekin batera.

Honela, Tolosako Hodeiertz abesbatzak 2017ko maiatzean Valladolideko taldeak Tolosara egindako bisita itzuli dio. Elkartruke honen emaitza izan zen Hungariako Santa Monasterioko elizan egindako kontzertua.

Jendetza bildu zen kontzertua entzuteko, eta tolosarrek Julen Ezkurra edo David Azurza euskal musikagileen obrak abestu zituzten, besteak beste. Amaitzeko, bi taldeek batera, Javier Bustok moldatutako Txoriak Txori obra abestu zuten.

Hurrengo kontzertua ekainaren 25ean eskainiko du Hodeiertzek, Tolosan, San Joan jaiei amaiera emateko. Hain zuzen, Kristalezko Bihotza ipuin musikatua estreinatuko du abesbatzak. David Azurza izan da Joseba Sarrionandiaren ipuina musikatzeaz arduratu dena, Gipuzkoako Abesbatzen Federazioak sustatzen duen sorkuntza koralaren programari esker. Kontzertua Errotako parkean izango da, 22:00etan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa