Alde batetik, Paris 8 Unibertsitateak Hodeiertz gonbidatu du maiatzean Parisen antolatzen duen abesbatza-topaketetan parte hartzera. Aurten, euskal tradizio korala ezagutarazi nahi dute, eta Hodeiertzekin batera bertako 200 abeslari arituko dira. Unibertsitatearekin batera aukeratu dira Topaketan landuko diren lanak.
Horietako bat, Paris 8 Unibertsitatearen enkaruz, David Azurzak egingo du. Santiago Bideari buruzko lana konposatuko du Azurzak, 'Saint Jakeserat' izenekoa. Azken ukituak ematen ari da Azurza, eta Paris-en bertan estreinatuko da hiru abesbatzentzako lan hori.
Era berean, Parisko Euskaletxeak antolatzen duen “Pariseko Herri Urrats” ekitaldian parte hartuko du abesbatzak. Gainera, Parisera joan aurretik, maiatzaren 9an, ostiralean, aurretiko kontzertu bat eskainiko du Lasarten.
Uztailean Madrilera
Bestalde, Zenobia Consort-ek antolatzen duen abesbatza topaketan parte hartzera ere joango da Hodeiertz. Beste talde batzuekin batera, bi kontzertu eskainiko ditu, bat Avilan eta bestea Madrilen.
Udazkenean beste bi kontzertu emango ditu: Kantabriako Polanco herrian, urrian. Urtero bezala, Gabonetako kontzertuarekin emango diote amaiera urteko jardunari.