Herrikideko eta Lycée Bichat ikastetxeko ikasleak buru-belarri ari dira lanean. Guztion artean Aro Garaikideko gertaera historikoak gogoraraziz, eta giza eskubideak babesteko eta defendatzeko beharraren garrantzia ardatz hartuta, hainbat ekintza egiten ari dira: Gernikako arbola eta Bake museoa bisitatu, Zumaiako Flysch-a ezagutu, mendi martxa egin, San Telmo museoan Euskal Herriko historia ikasi, Donostiako turismoa aztertu, Mirandaolako burdinola ezagutu, herri kirolak praktikatu... Hau guztia ingelesez bi herrialdeen kultura-aberastasuna partekatuz eta ikasiz.
Esperientzia guztiz aberatsa da bai hemen eta baita martxoan Lunévillen ere izango dutena, ikasleak hezteko eta pertsona bezala hazteko balio izango duena. Human Rights. The Foundation of a Just Society proiektuarekin, guztion artean gizarte bidezkoago bat eraiki dezagun!