Kanpainaren helburua Tolosako Caritasi laguntzea da, baliabide gutxien dituzten pertsona eta familiei laguntza eskaintzeko. Kanpaina honen barruan, produktuak jasotzeko deia egin nahi diegu Herrikide osatzen dugun komunitate osoari eta asmo oneko tolosar orori. Jasotako material guztia Tolosako Caritasen bitartez banatuko da, inguruko beharrean dauden pertsonei babesa emateko.
Jasoko diren produktuak:
- Elikagai ez-galkorrak (kontserbak, lekaleak, olioa, azukrea, arroza, pasta, tomatea, kakaoa, gailetak, )
- Garbitasun eta higiene-produktuak (xaboia, xanpua, hortzetako pasta eta eskuila, pixoihalak, konpresak...)
Bilketaren datak eta tokia:
- Abenduak 9tik 19ra. Herrikide Ikastetxeko idazkaritzetan.
- Abenduak 14 goizean zehar, Tolosako Supermerkatu ezberdinetan (BM, Super Eko, Eroski City)
Eguberriak laguntzarako garai ezin hobea dira, eta guztiok daukagu gure alea jartzeko aukera. Animatu eta parte hartu Eguberrietako Kanpainan!
Eskerrik asko zuen elkartasunagatik eta parte-hartzeagatik. Elkarrekin, Eguberri justuago eraikiko ditugu guztiontzat.
Kirikiño Aisialdi Taldea eta Herrikide ikastetxea