Hirukide ikastetxeak urtean zehar abian jartzen dituen kanpainen artean, bi aste hauetan Eguberrietakoari ekin dio. Bertan, Abegi eta Caritasentzako produktu iraunkorrak biltzen ari dira Batxilergoko 1. mailako ikasleak.
Ikasle horiek sentsibilizazio kanpaina ere bultzatu dute eskolan eta ikasle guztiei ekimen hau aurkeztu diete hitzalditxo baten bidez. Kanpainaren helburuak gure inguruko beharrei erantzutea da, baita ikasleek etxe ondoan duten errealitatea ezagutzea ere.
Tolosar guztien laguntza nahi dugu, eta horretarako, Hirukideko ikasleak datorren larunbatean, hilaren 17an, 10:00etatik 14:00ak arte MaxiEroskin, Eroskin, EKOn eta BMn izango dira, nahi duenak utzitako produktuak jasotzeko prest.