DBH, Batxilergoa eta Lanbide Heziketako ikasleen sormena eta izaera berritzailea saritzeko helburuz ekin zioten, Don Bosco ikastetxeko arduradunek, DB sariak antolatzeari. Aurten bosgarren aldiz ospatu dute hitzordua, eta berrikuntzetako bat DBHko ikasleekin errobotika lantzeko lehiaketa izan da, BQ etxearen laguntzaz.
Hain zuzen ere adar horretan suertatu dira garaile, Tolosako Hirukide ikastetxeko Miguel eta Xabi, DBHko ikasleak. Zorionak!