Oraingo honetan, parte hartzeaz gain, gure ikastetxeko instalakuntzak erabiltzeko aukera eskatu zigun Giza Eskubide eta Bake Hezkuntzaren Elkarteen Foroak.
Hirukide ikastetxeak bizikidetzarekin duen konpromisoa handia eta sakona da eta beti parte hartu dugu eskaini dizkiguten foro guztietan. Oraingo honetan, parte hartzeaz gain, gure ikastetxeko instalakuntzak erabiltzeko aukera eskatu zigun Giza Eskubide eta Bake Hezkuntzaren Elkarteen Foroak. Urtarrilaren bukaeran gauzatu zen bizikidetzaren inguruko topaketa hau gure ikastetxean. Jorratu zen gaia honako hau izan zen: Bizikidetza hobetu hezkuntza emozionalaren bitartez. Bertan, Sevillako Unibertsitateko Maria Jose Lera (Golden 5 programaren sortzaileetako bat), Bakeolako Xurdana Imaz, Balmasedako Zubi Zaharra ikastolako Aitziber Aranburu eta Hirukide ikastetxeko Txaro Etxeberria izan ziren hizlari.
Pozgarria eta aberatsa izan zen jardunaldira Euskadiko hainbeste lekutako jendea etorri izana (Irun, Hernani, Lasarte, Urretxu, Orduña, Beasain, Zarautz, Orereta, Bilbo, Gernika...)