DBHko 4. mailako 30 ikasle eta bi irakasle Frantziako iparraldean dagoen Lunevillen aste betez izan dira, bertako eskola bateko ikasle nahiz hauen familiekin. Nancy eta Metz inguruan dago hiri hau, baita Lehen Mundu Gudan izandako sarraskiarengatik hain ospetsua bilakatu zen Verdun inguruan. Gure ikasleak bertan izan ziren gerra horren hasieraren lehen mendeurrena betetzen den urtean.
Bestalde, datorren larunbatean itzuliko dira Tolosara Poloniako bi eskolarekin egiten dugun hamar eguneko elkartrukeko batxilergoko 1. mailako ikasleak. 50 gazte eta 3 irakasle joan zaizkigu Poznanera, besteak beste Berna, Praga, Auschwitz, Berlin eta Paris bisitatzen diren ekimen honetan.
Apirila elkartruke garaia dugu Hirukiden; izan ere, hilabete honetan bi elkartruke burutzen ari gara eskolan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!