Hodeiertz Abesbatzak Gabonetan urtero egiten duten kontzertuari elkartasun kutsua eman nahi dio eta horretarako Tolosan dagoen ONG batekin kontaktuan jarri da eta honek bultzatzen duen proiekturen baten alde izango da kontzertua.
Zehazki Itaka-Eskolapioak Fundazioarekin jarri ziren kontaktuan, abesbatza horretan parte hartzen duten asko Hirukiderekin harreman zuzena izan bait dute (ikasleak, ikasle-ohiak,...).Fundazio hau Hirukidek apirilean aurrera eramango duen Elkartasun Kanpainarekin zuzenean lotuta dago.
Kanpainari izenburu hau jarri diogu: "Besteekin hezkuntzaren alde". Zertan datza? Eskolapioek Itaka-Eskolapioak Fundazioaren bidez herrialde ezberdinetan (Kamerun, Brasil, Venezuela, India, Bolivia, Ginea, Dominikar Errepublika eta Nikaragua) hezkuntzaren alde bultzatzen ari den proiektuei laguntzea.
Behean duzue kontzertuko gonbidapena, ez galdu kontzertu eder batez gozatzeko aukera paregabea!