Azaroaren 16tik 22ra Hirukideko "Frantziako elkartrukeko" ikasleak Tolosan dira, eta iparraldean dagoen Lunevilleko 38 ikasle eta hiru arduradun hainbat irteera burutzen ari dira gure inguruetan. Ostatua, berriz, DBHko 4. mailako ikasleek eskaini diete eta astelehenean denak batera Beotibarren izan ziren, pilota partida ikusten. Horrez gain, ikasle frantsesek Donostiako Eureka museoa, Zumaiako flyscha, Ekainberri kobazuloak, Tolosa bera, Gernika eta Bilbo bisitatu dituzte. Bestalde, ikasle tolosarrak udaberrian joango dira Frantziara.