Joan Mari Torrealdai joan zaigu, baina bere ekarpenek bizirik darraite

Erabiltzailearen aurpegia
Joan Mari Torrealdai, artxiboko irudi batean./ JON URBE/FOKU / BERRIA.EUS

Joan Mari Torrealdai euskararen zein euskal kulturaren berreskurapen prozesuan bidegile garrantzitsua izan da. Ugariak eta askotarikoak izan dira bere ekarpenak, baina lerro hauen bidez eta Hekimen Euskal Hedabideen Elkartearen izenean euskarazko komunikabideen unibertsoari eta, oro har, euskal komunikazio esparruari egindakoa azpimarratu nahi dugu.

Ezaguna izan da ia mende erdiz Jakin aldizkarian egindako lana eta, nola ez, Euskaldunon Egunkaria argitaratzeko egindakoa. Euskarazko komunikabideen arteko elkarlana eta egituraketa bultzatzeko egindakoa agian ez da hain ezaguna baina horretan ere saiatu zen. Egiturak sortu, indartu eta mantentzea, hori zen bere jardunaren iparrorratza. Hekimeni dagokionean, hasitako bideari eutsiko diogu, bere gogoa gugan.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!