Apirilean jokatu zunez
Realak kopa finala,
itzultzerakon egin zitzaien
oso harrera zabala,
ertzainek moztuz erdigunea,
Bulebarra ta Kursaala.
Ordea, Loiun gertatu zena,
noski, ez zen izan hala.
Flotilla heldu ta atean bost
minutu zeramatzala,
arrazoirikan gabe hasi zen
bertan karga poliziala.
Eta aurrean betiko mezu
ez horren subliminala:
aberatsa da heroia eta
bolondresa kriminala.