Ikusi nahi ez dugun ispilu
hautsi honen gizartean
hitzak sorgortzen zaizkigu gure
kontraesanen katean
mende osoko gerrak ahaztu
ditzakegu gau batean
Trumpek oro du eros ahalmen
munduko eskaparatean
jasangaitza den kontsumismoak
gure hegoak jatean
gure egoei jaten ematen
ari gara bitartean
Goya da zeru, Goya da amets
zine izarren artean
miloikak amets gabeko loan
datzanean izarpean.