Hara hemen ditxosozko
urtarrileko aldapa,
ez da Balerdi ez da Uzturre
baino pendiz latza dauka…
Gabonetako gaingastu
eta gainkargen resaka,
ahaztu eta hasi nahi
hutsetik beste etapa.
Jana neurtu, kirol jantzi
koloretsuz tipi-tapa,
mobila urritu, irakurri,
otordurik ez presaka,
dena aldatu nahiean
guk estutu gure ataka,
otsailerako asmoak
geroko ontzira botaka…
Hobe betiko antzera,
puztukeriak botata,
bizitza egiten degun
baino errezago da ta.