Finalerdietako saio bakoitzerako bi sarrera zozketatuko dira (H)ari Naizela irratsaioan; eta, lehena, Oiartzungoa da, azaroaren 17an izango da. Zozketan parte hartzeko whatsapp audio mezua bidali behar da 695 76 28 43 zenbakira, eta aste honetan asmatu beharrekoa honakoa da: Unai Mendizabalek Azkoitiko saioa irabazi zuenean kantatu zuen agurra entzun dugu, eta hitz bat kendu diogu bertso horri; bada, zozketan parte hartzeko hitz hori asmatu behar da, eta asmatzaileen artean egingo da zozketa. Asmatzailerik ez balego, parte hartzaile guztien artean zozketatuko da.
Unai Mendizabalen agurra:
Lehen bertso-eskola
den hontan ikurra,
Gipuzkoan ez dago
dena hain ziurra,
Urolan martxan dabil
gondea, atxurra,
zapatak lokatzen
babaz esku ahurra,
Erniarraitzi gure
gorespen __________,
jartzearren geroko
bertsoari lurra.
Bidali audio mezua esanaz nor zaren, nongoa eta Unairi kendu diogun hitza zein den, azaroaren 13ko 16:00ak baino lehen.