Amezketarrak ajearekin
ibili ondoren festetan,
langile bat hil zen papeleran
mantenimendu lanetan,
uztailean beste bat joan zen
ari zela belarretan,
bi urte ta erdin herrian hiru
galanta gero benetan,
urtero ziento erditik gora
Euskal Herriko lurretan…
Gogorra bada jaiki beharra
lan egiteko goizetan,
pentsa ze latza lantokira joan
eta ez etortzea bueltan…
Enpresek zenbat galduko dute?
Ta ze zuloa etxeetan!
Arreta gehio jarri dezagun
guztion lan baldintzetan,
uda izan arren ez daudelako
istripuak oporretan.