Udazkenean nahi bada
babarrun gozatu latza,
babarruna ta artoa
orain doaz lurrerantza…
Gure geroa ereiteko
garai ona da maiatza,
DBHko azken ttanttoek
lurra ondu edo egin lokatza?
Lanbide Heziketara
edo Batxira urratsa;
selektiboa izango da
Batxikoen azken dantza,
liburutegi edo tailer
batean pasa arratsa,
kalabazak edo txirbil
biltzeko hartu erratza.
Nork jakin non egingo den
gero ondoen arrantza,
norberak ezagutzen du
ondoen bere baratza,
dituen lai eta aitzur
ta egiten dun laborantza,
zohi elkorra ote duen
edo zotal xamur antza...
Eskatuko du ahalegina
eta ordu-sartze gaitza,
baino ea ekartzen duen
amestutako emaitza!!!