Lau urtez herrietan
askok lan egin du,
udala ez da bakarrik
hara joan ta agindu,
amets, proiektu, ideiak
bidean amildu,
kanpotik begi-zorro(t)z
kritikan beti gu,
zer nola egin behar den
denok badakigu…
Hauteskunde-haizeak
ez al gaitu astindu?
Etxe-auzo-herriak
axola badigu,
sigladun, sigla-gabe,
zerrendara hurbildu,
dakiguna erakutsi
besteei zama arindu
bestela errespetuz
lau urtez isildu!