Harituz Tolosaldeko Bertsozale Taldea hasi da 2021-2022 ikasturteko bertso eskola taldeak osatu eta ordutegiak antolatzen. Hori dela eta, irailaren 24ra arte zabalik egongo da Tolosaldeko bertso eskoletako izen-ematea. Deialdia 10 eta 16 urte bitarteko ume eta gaztetxoei bideratuta dago bereziki, baina bertsolaritzarekiko interes handia duten beste adinetako ikasleak ere izena ematera gonbidatu nahi ditu Harituzek.
Izena emateko bi modu daude: bata, mezu bat bidaltzea harituz.bzt@gmail.com helbide elektronikora. Bestea, berriz, norbere ikastetxean izen-emate orria eskatu, hura bete eta ikastetxean entregatzea.
Izena ematen duten ikasleekin Harituzeko arduraduna jarriko da harremanetan irailaren azken astean, taldeak antolatu eta bertso eskolako ikasturte hasieraren inguruko xehetasunak emateko. Aurrez aurreko saioei, berriz, urriaren 4an emango zaie hasiera.