2021eko otsailaren 4an ezin izango da eskualdeko herrietan Santa Eskean atera. Horren aurrean, Harituz Tolosaldeko Bertsozale Taldeak Santa Eske birtuala martxan jartzea erabaki du; eskualdeko bertsozaleen koplak bildu eta Santa Ageda bezpera egunean hainbat bideo argitaratuko dituzte.
Egitasmoan parte hartu nahi duenak Santa Eskeko doinuan abestutako kopla bideo bidez grabatu eta WeTransfer bidez harituz.bzt@gmail.com helbide elektronikora bidali beharko du otsailaren 1a baino lehen. "Eskualdeko herri guztietako jendearen koplak jasotzea sekulakoa litzateke", azaldu du Harituzeko koordinatzaileak.
Antolatzaileek adierazi dutenez, eskualdeko bertsolaritzarentzat egun seinalatua da otsailaren 4a eta aurten eskean ezin atera izanak, zenbait herritan ohitura bera ere "kolokan" jar lezakeela uste dute. Ohiturari bideo bidezko eskearen bidez eusteak, berriz, hori saihestu dezakeela uste dute, urteroko usadioaren jarraipena bermatuz eta eguna berezi eginez.
Eskualdeko herri guztietako jendeak parte hartzea da taldearen helburua
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!