Bertso saioa izango da igandean Tolosako zezen plazan, udako programazioaren baitan. Eguerdiko 12:00etan izango da saioa eta Sebastian Lizaso, Alaia Martin, Ane Labaka eta Unai Mendizabal zizurkildarra izango dira bertsotan. Iker Iriarte alegiarra berriz, gai jartzen.
Ez da sarrera hartu beharrik izango eta zezen plazako ateak ordubete lehenago zabalduko dira. Hori bai, 400 laguneko aforoa bete arte utziko zaio jendeari bertara sartzen.