Aitor Tatiegik irabazi du Gipuzkoako Eskolarteko Txapelketako Ibarrako kanporaketa

Erabiltzailearen aurpegia

Ibarrako Sendi Ekintzan izan zen Gipuzkoako Eskolarteko Txapelketako lehen kanporaketa eta 70 entzuletik gora bildu ziren. Aitor Tatiegi oñatiarra izan zen garaile

Ostiraleko saioan Aitor Tatiegi, Maddi Aiestaran, Joar Garate, Ekain Tolaretxipi, Araitz Sagarna eta Hodei Munduate bertsolariek parte hartu zuten, Imanol Artola "felix"en aginduetara. Ibarrako saioarekin hasi eta apirilaren 5ean amaituko da Gipuzkoako Eskolarteko Txapelketa, eta 14-18 urte bitarteko 23 pertsolarik hartuko dute parte.

Ibarran 40 lagun inguru bildu ziren afaltzeko eta ondoren ia bikoiztu egin zen ikusle kopurua, 70 lagunetik gora bilduz. Giro aparta eta bertsolarien azkartasuna eta jendaurreko planta nabarmendu behar dira, daukaten adinerako plazarako eginda daudela antzematen zaielako. Azkenean, Aitor Tatiegi oñatiarrak lortu zuen apirilaren 5eko finalerako txartela eta besteek zain egon beharko dute, hurrengo hiru kanporaketetan zer gertatuko.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!