Ibarran hasiko da Gipuzkoako Eskolarteko Bertsolari Txapelketa

Erabiltzailearen aurpegia
Ibarran hasiko da Gipuzkoako Eskolarteko Bertsolari Txapelketa

Sendi Ekintza Elkartean izango da lehen saioa eta 14tik 18 urtera arteko bertsolari gazteek hartuko dute parte.

 
 

Otsailaren 15ean, abiatuko da Gipuzkoako Eskolarteko XXXIX. Txapelketa, Ibarran. Guztira, 23 bertsolarik hartuko dute parte, afari formatuan izango diren kanporaketetan. Finala Lasturren izango da, apirilaren 5ean. 

 Honakoa izango da egutegia:

 -Otsailaren 15ean, Ibarrako Sendi Ekintza Elkartean: Joar Garate Rueda, Araitz Sagarna Larrañaga, Maddi Aiestaran Iparragirre, Aitor Tatiegi Loidi, Ekain Tolaretxipi Errazti eta Hodei Munduate Etxeberria.

-Martxoaren 1ean, Zestoako Lau Itturri Elkartean: Oihana Arana Cardenal, Uxue Alkorta Iturbe, June Garmendia Duarte, Imanol Albizu Gurrutxaga, Igauri Lopetegi Amostegi eta Iker Letamendia Barandiaran.

-Martxoaren 15ean, Orioko Aldapa Elkartean: Irati Arakistain Mendizabal, Maide Garmendia Jauregi, Joane Aldalur Irazusta, Aner Peritz Manterola “Euzkitze", Xabier Agirre Bikuña eta Jon Azpiroz Anza.

-Martxoaren 22an, Oñatiko Larrain-Gain Elkartean: Haizea Arana Cardenal, Julene Iturbe Epelde, Naia Arrizabalaga Arrieta, Aimar Sorazu Roteta eta Bittor Zubiagirre Anduaga.

- Finala, apirilaren 5ean, Lasturko plazako tabernan.

 Afaltzeko txartela eskuratu nahi duenak www.bertsosarrerak.eus webgunean izango du horretarako aukera. Sarrerak saioaren aurreko ostegun eguerdira arte izango dira eskuragarri.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!