Abenduaren hamazazpian
Bec-en jendea soberan
Lopategi ta biok hizketan
ari ginela sarreran
Berrogeitaka urteko batek
ni agurtuz pasaeran
berari hola galdetu zion
gizon lasaienen eran
«zure aurpegia ezaguna zait
baina ez dakit zein zeran»
gu biok parrez geratu ginen
ta hala hobe aukeran
baina zalantza sortu zitzaidan
izandako gertaeran
Jon ezagutu ez zuen hura
bertsozalea ote dan.