Gabarra ez da gonbidatuko
ospakizunen festara
Athletic haundi distiratsua
kolpez umildu al da ba?
Liga arra ta liga emea
ezin al dira konpara?
Prentsaurrekoan ere arrotz da
kazetarien ilada
profesionalki jokatzeari
noiztik diote ikara?
Hipokresia ta duintasun
ez da titularra, hara
goikoen hitzen faltsukeriak
nazkatuta nauka, jada
berdintasuna bost silabako
hitz bat besterik ez bada.
Liga arra eta liga emea
EGILEA: AMAIA AGIRRE
Doinua: Haizea dator ifarraldetik
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!