Hona parrandan mutilen batek
agertu zidan nibela:
«Ba al daukazu mutilik edo
libre zaude?» hitz-totela...
Uste ote du nere gorputzak
beste jaberik duela?
(bereizten gaitun gauza bakarra
mutil bat balitz bezela!)
esan nezakeen «bi neska dauzkat»
«txakur bat daukat», bestela;
«libre segi nahi dut» esan eta
alde egin zuen bela.
Baina ez dakit ulertu zuen
arrazoia dena dela:
ni libre egon edo ez egon,
izan, librea naizela.
EGILEA: OIHANA IGUARAN
Doinua: Urtzen du goian
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!