Maiatzak 8

Gaurko maiatzak zortzia egun

arrunt bat da beharbada

baina egia ta historia

ez garun ertzean laga;

bigarren mundu gerran duela

juxtu zazpi hamarkada

Alemaniak eta naziek

amore emanda jada...

Bazirudien joko zutela

justiziaren aldaba

baina luzea dugu herritar

errugabeen ilada:

nahiz ta hamaika naziok jarri

bake bideari galga

gaur Europaren garaipenaren

ospakizun eguna da.

Doinua: Haizea dator ifarraldetik

EGILEA: AMAIA AGIRRE ARRASTOA