Bertsoa: Joseba Otaegi eta Arriaren arteko apustua

Martxoaren 15ean Tolosako zezen plazan.

Gure herriak aspalditik

maite izan du apustua

elkarren aurkako lehiak

hainbat sugar du piztua

oraindik bizirik dirau

ta gera ez dadin ahaztua

erronka bat egin dute

bi lagunek tajuzkua

Arria ta Otaegi

zuk noren alde juzkua?

Tolosako zezen plaza

ta aizkora zorroztua

lehia ona izan bedi

eta emaitza juxtua.

Doinua: Etaren su etenetik.

EGILEA: ION BELOKI ARRUTI

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!