Nazio Batuetako kontalariek ere salatu zuten gertaera. Asteburu honetan antzeko zerbait gertatu da Tolosan. Migratzaile talde txiki batek aste batzuk zeramatzan negutik Larramendi auzoko Arkauteko txalet abandonatuaren arkupeetan babesten.
Tolosako Udalak eraikina hustea erabaki zuen. Negu gordinaren erdian, gazte horiek etxetik atera zituzten, bizitoki-alternatibarik eskaini gabe. Galderak egiten dizkiot neure buruari. Zertan bereizten da Badalonako alkateak egin zuena eta Tolosakoak egin duena? Eskandalizatzen al gara urrun gertatzen denarekin eta ez al dugu ikusten hain gertu daukaguna? Gai hori kudeatzeko modua poliziarekin da, gizarte-zerbitzuekin kudeatu beharrean?
Era berean, ikaragarria iruditzen zait hurrengo egunean udalak arkupe horiek burdin hesi altuekin estali izana. Hori al da etxegabetasunaren arazoa konpontzeko eredua? Zein da aukera: Tolosako arkupe guztiak burdin hesiz estaltzea? Non dago behar handiena dutenekiko elkartasuna? Arkautiko txaleteko burdin hesiak gizatasunik ezaren sinbolo dira. Tolosako bizilagun asko eta asko ez gaituzte ordezkatzen.
Mertxe Amondarain, Tolosa