Mende laurden honetan zehar, elkartasunak mugak eta distantziak ulertzen ez dituela erakutsi du Tolosaldea Sahararekin elkarteak. Saharar gatazkaren une giltzarri bakoitzean presente egon da, eskuzabaltasunez, konbentzimenduz eta gizatasunez eskua luzatuz.
Euskal Herriaren eta saharar herriaren arteko loturak indartu egin dira, errespetuz, duintasunez eta borroka partekatuz ehundutako benetako senidetasuna bihurtu arte. Urte hauetan zehar, elkarteko lana nekaezina izan da: sentsibilizazio-kanpainak, ekitaldi publikoak, hitzaldiak, elikagaien eta oinarrizko produktuen bilketak, lankidetza-proiektuak errefuxiatuen kanpalekuetan, gizarte-ekimenak, babes politiko irmoa, manifestazioak,
hitzarmenak... Saharar herrian arrasto ezabaezina utzi duen jardun itzel eta kalkulaezina.
Tolosaldea Sahararekin elkartea funtsezko zutabea izan da, da eta izango da gure eskubideen defentsan, gure kausa ikusarazten eta saharar familiei hainbeste aldiz kontsolamendua eta itxaropena eman dien giza laguntzan, bai diasporan, bai eta kanpalekuetan ere.
Saharar herriaren izenean, eskerrik beroenak eman nahi dizkiogu Tolosaldea Sahararekin elkarteari. Eskerrik asko gure borrokan sinesteagatik, ez zapuzteagatik, zuen ahots, presentzia eta konpromisoarekin eusteagatik.
Bihotz-bihotzez espero dugu Mendebaldeko Saharan, lurralde aske batean, hainbeste urteko erresistentziaren eta elkartasunaren garaipena elkarrekin ospatzeko eguna iristea.
Ordura arte, elkarren ondoan ibiltzen jarraituko dugu, urrats sendoz eta bihotzak elkartuta, garaipenera arte.
Gure errespetu, maitasun eta esker on guztiarekin, saharar diaspora.