Ikasturtearen balorazio bat egin asmoz zuzentzen gatzaizkizue. Horretarako iazko ikasturtea nola amaitu genuen gogora ekarriz, bat batean haur eskola itxi beharrean aurkitu ginelarik martxoan, familiak behar bezala agurtu ere egin gabe, erabateko noraezean... Denbora aurrera zihoan heinean, kokatuz joan ginen eta haur eskolarako itzulerako ideia borobilduz, pixkanaka protokoloak lantzen eta haurrak haur eskolara itzultzeko bidea urratzen joan ginen.
Errealitate berri honek sortzen duen kezkak ordea ez du alboratu aurtengo ikasturtea martxan jartzea. Ikasturtea aberasgarria izan zaigu hezitzaileoi, aukera paregabea izan dugu egunerokoan haurren beharretatik abiatuta ikaskuntza batean murgiltzeko, kalitatezko lanketa bat burutuz. Herri txikietako haur eskolek beste edozein herrietan bezalako kalitatezko zerbitzu bat merezi dutela sinisten dugu!
Eskerrak eman beraz Amezketako haur eskolako familiei eta hezkuntza komunitate osoari guregan erakutsitako konfiantzarengatik eta datorren ikasturteari begira herriko familia berriak ere animatzen zaituztegu zuen haurrak gure proiektuaren parte izatera, elkarren arteko zaintza sustatuz, Ruperrek bere kantan dioen moduan zaindu maite duzun hori.
Ainize Lasa eta Miren Egunez, Amezketako haur eskolako hezitzaileak