Gutuna

Sistema heteropatriarkala arrakalatu

Erabiltzailearen aurpegia

Martxoaren 6an Aiztondon gizon batek lau emakume eraso zituen. Aiztondoko Mugimendu Feministak emakume hauei elkartasun eta babes osoa helarazi nahi die: zuekin gaude eta ondoan izango gaituzue.

Ez da lehen aldia izan gizon honek emakumeak eraso dituela eta zoriontzekoa da emakume hauek izaniko iniziatiba, Aiztondon sinadura bilketa burutuz.

Aiztondoko emakume ugarik helarazi genuen berarengandik jasotzen diren lizunkeriak eta ukituak eta nahikoa dela aldarrikatu genuen. Kasu honetan, beste hainbat kasutan ez bezala, argi ikusten da arazo politiko baten aurrean gaudela eta kolektiboki erantzun beharra dagoela. Emakumeoi beldurra sartzen digute egunerokoan komunikabide zein beste bide batzuetatik diskurtso matxistak bideratuz eta ahaldundu beharrean, ahultzera bideratu nahi gaituzte.

Baina ez dugu onartuko, ez Aiztondon ez inon, mezu hauek harrapa gaitzaten eta egoera honi aurre egiten jarraituko dugu. Kolektiboki antolatu eta sistema heteropatriarkalaren aurka jardungo dugu ausartak izatetik, libre izatera pasatu arte.

Gora borroka feminista!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!