Izan bidea

Euskal Herria amets eta askatasuna helburu

Erabiltzailearen aurpegia

Agur bat, urte guztian zehar zuen pauso bakoitzarekin gugana gerturatu zareten guztioi. Senide, lagun, ezagun guztiengana berotasuna eskaini asmoz presoen aldeko ekimenetara arrimatzen zareten guztioi gure esker ona.

Orduak, egunak, urteak, euskal presoak kartzeletako patioetan barrena pausoak haruntz, pausoak honuntz, zuenei esker, zuenekin bat eginda gabiltza eta, ezin bestela. Gure animoari zuen hauspoak eragiten dio, atzo, gaur, bihar, etzi, beti izanda horrela.

 

Etsai lurrean preso gauzkatelarik zuen bultzada behar dugu Euskal Herriratzea eta etxeratzea lortuko badugu, guk bakarrik ezin izango baitugu. Gure bihotz taupadak Euskal Herria dute amets, askatasuna helburu.

Arrasto honi jarraituko diogu. Zin dagizuegu.

Ana Belen Egues Gurrutxaga, Cordobako espetxetik.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!